ኣብ ዞባ ጋሞ ዝነበረ ግጭት ብዝተሓሓዝ 40 ሰባት ምእሳሮም ነበርቲ ገሊጾም

ኣብ ደቡባዊ ኢትዮጵያ ዞባ ጋሞ ኣብ ዝሓለፈ ቀረባ እዋን ዝነበረ ግጭት ብምትሕሓዝ ብውሕዱ 40 ሰባት ተኣሲሮም።

እቲ ግጭት ምስ ናይ ዘይሴ ብሄረሰብ ቀበሌታት ፍሉይ ምምሕዳር ወረዳ zቐርብ ሕቶታት ብዝተሓሓዝ`ዩ።

ነበርቲ ኣብተን ኣብ ከባቢ ኣርባምንጭ ዝርከባ ኤልጎ: ወዘካ: ደምብለን ጫሞን ዝብሃላ ዓድታት ማእሰርቲ ቀጺሉ'ሎ ክብሉ ንድምጺ ኣመሪካ ሓቢሮም።

ኣብ ዝሓለፈ ሰነ ኣብ መንጎ ፖሊስን ነበርትን ግጭት ተወሊዑ ኔሩ`ዩ። እተን ምምሕዳራዊ ከባብታት ናይ ባዕለን ሓደ ዝኾነ ናይ ወረዳ ምምሕዳር ክህልወን ይሓታ ኣለዋ::

እሱራት ማህረምትን ካልእን ይወርዶም ከምዘሎ`ውን ስድራቤቶም ይጠርዑ`ለዉ። ብዛዕባ`ቲ ጉዳይ ካብ ሰበ-ስልጣን`ቲ ከባቢ ርእይቶ ምርካብ ኣይተኻእለን ።