ምግጫው መራኽብ ዝፈጠሮ ላሕኲ ጋዝ ሩስያ ሻቕሎት ይፈጥር

ኢርኩትስክ (Irkutsk) ተባሂሉ ኣብ ዝጽዋዕ ደቡባዊ ወገን ሩስያ፡ ክልተ ጋዝ ዝጸዓና መራኽብ ተጋጭየን ነዝዒ እቲ ጋዝ ናብ ፈለግ ሌና ድሕሪ ምልሓዅ፡ ኣማሓዳሪ እቲ ኣውራጃ ህጹጽ ናይ ሓደጋ እዋን ኣዊጁ።

ኣገልግሎት ዜና ሮይተርስ ንኣማሓዳሪ እቲ ኣውራጃ ብምጥቃስ ከም ዘስፈሮ፡ እቲ ሓደጋ ዘጋጠማ መርከብ 138 መትሪክ ቶን ጋዝ ጽዒና ነይራ። ክንደይ ካብቲ ጋዝ ናብቲ ፈለግ ምልሓዅ ግን ዛጊት ኣይተነጸረን።

እዚ ትማሊ ሰኑይ ዘጋጠመ ሓደጋ፡ ኣብቲ ኣውራጃ ብዕብየቱ መበል 11 ዝስራዕ ፈለግ ሌና፡ ናብ ሰርቢያን ኣርክቲካዊ ውቅያኖስን ስለ ዝውሕዝ፡ እቲ ሓደጋ ምልሓዅ ነዊሕ ከይከይድ ስግኣት ኣሎ።