ናንሲ ሬገን፡ በዓልቲ ቤት ፕረዝደንት ኣሜሪካ ነበር ሮናልድ ሬገን ዓሪፈን

ወሃቢ ቃል ቤት-መጽሓፍቲ ፕረዝደንት ሮናልድ ሬገን ፡ ናንሲ ሬገን ብዝነበረን ሕማም ድኻም ልቢ ካብዚ ዓለም ብሞት ተፈልየን ክብል ሓቢሩ።

ናንሲ ሬገን ብ1952 ዓ.ም.ፈ ምስ ፕረዝደንት ኣሜሪካ ነበር ሮናልድ ሬገን ሓዳር ብምምስራት፡ ኣብቲ በዓልት ቤተን ኣመሓዳሪ ክፍለ-ግዝኣት ካሊፎርኒያ ኮይኖም ዘገልገልሉ ዓመታት 1967 – 1975ን ከምኡ’ውን ፕረዝደንት ኣሜሪካ ዝነበርሉ ዓመታት 1981-1989 ዓ.ም.ፈ ክሳብ ዕለተ ሞት ፕረዝንደት ሮናልድ ሬገን ቀንዲ አጋርን ኣማኽሪትን በዓል ቤተን ከምዝነበራ ተገሊጹ’ሎ። ብተወሳኺ ‘ኣይፋል ንድራግ ሓደገኛ ወልፊ ዘትሕዝ ዕጽ’ ብዝብል ዘካየደኦ ዘመተ አንጻር ወልፊ ሓደገኛ ዕጽን’ውን ይፍለጣ።

ፕረዝደንት ኦባማ ምስ በዓልቲ ቤቶም ሚቸል ኦባማ ብምኻን ኣብ ዘመሓለለፍዎ ናይ ሓዘን መልእኽቲ ናንሲ ሬገን ንግደ በዓልቲ ቤት ፕረዝደንት ኣሜሪካ ዝቀየራ ከምዝኾናን ገሊጾም።

ኣስከሬን ናንሲ ሬገን ፡ በዓልቲ ቤት ፕረዝደንት ኣሜሪካ ነበር ሮናልድ ሬገን፡ ኣብ ጎኒ በዓል ቤተን ሮናልድ ሬገን ኣብ ክፍለ-ግዝኣት ካሊፎርንያ ቤት መጽሓፍቲ ሮናልድ ሬገን ኣብ ዝርከብ መቃብር ከምዝዓርፍ ተፈሊጡ’ሎ።

ናንሲ ረገን፡ በዓልቲ ቤት ፕረዝደንት ኣሜሪካ ነበር ሮናልድ ሬገን ዓሪፈን

Previous slide

Next slide