ዋሽንግተን —
ብሕልፊ ኣብ ወላይታ መሬት ተደልሂሙ ኣስታት 41 ሰባት ከምዝቀተለ እቲ ዝረኸብናዮ ዜና ይሕብር። ብዘይካ’ዚ ሸሞንተ ዝኣባላታ ሓንቲ ስድራ-ቤት ኩላቶም በቲ ውሕጅ ተወሲዶም’ለው።
ተሓባባሪ ኮሚሽነር ፖሊስ ዞባ ወላይታ ኣቶ ኣለማየሁ ማሞ እቲ ዝወቅዐ ዝናብ ከቢድ ጉድአት ከምዘውረደ ንድምጺ ኣሜሪካ ሓቢሮም’ለው።
እዚ ከምዚ’ሉ ከሎ ኣሜሪካ ኣብ ዝተፈላለዩ ከባቢታት ኢትዮጵያ ብሰንኪ ዘጋጠመ ምፍራስ ድልድላትን ምድልሃም መሬትን ዓሰርተታት ኣሽሓት ሰባት ኣብ ጸገም ዝወደቅሉ ኩነታት ትከታተሎ ከምዘላ ኣፍሊጣ።
ብሰንኪ ብርቱዕ ዝናብ ኣባላት ስድራኦም ንዝሰአኑ ኢትዮጵያዊያን ሓዘነን ዝገለጻ ኣምባሳደር ኣሜሪካ ኣብ ኢትዮጵያ ፓትሪሽያ ሃስላክ ንስድራ ግዳያት ምጽንናዕ ተመንየን። ኣሜሪካ ኣብ ከምዚ ዝኣመሰለ ጽንኩር ጊዜ ኣብ ጎኒ ህዝቢ ኢትዮጵያ ከምዘላ እቲ ኤምባሲ ኣብ ዝለኣኾ መግለጺ ሓቢሩ።
ምሉእ ትሕዝቶ ኣብዚ ምስማዕ ይክእል።
