ክርከብ ዝኽእል መራኸቢታት

ሕብረት-ኤውሮጳ፡ ጉዕዝኡ ምስ ብሽክለታ ተመሳሲሉ`ሎ- ምኻድ እተቋሪጹ ዝወድቕ


28 ዝኣባላቱ ሕብረት-ኤውሮጳ፡ ኩሉ-መዳያዊ ጸገማት ኣጋጢምዎ`ሎ- ዝሕታለ-ዕብየት ኤኮኖሚ፡ ናህሪ ሸቕሊ-ኣልቦነት፡ ስሚዒት ወገንነት፡ ማዕበል ፍልሰተኛታት፡ ስግኣት ሽበራ ፡ ከምኡ`ውን ዳግመ-ምትንሳእ ሩስያ።

በዚ ምኽንያት ድማ፡ መጻኢ ዕድልን ቅርጽን ሕብረት-ኤውሮጳ ኣብ ሕቶ ኣትዩ ይርከብ። ኤውሮጳውያን ኣውጻእቲ ፖሊሲታትን፡ ተንተንትን፡ ንፕሮጀክት ውህደት ሕብረት-ኤውሮጳ ምስ ብሽክለታ የወዳድርዎ- ጉዕዞኣ ጠጠው እንተቢላ ትወድቕ። ብዙሓት ክኢላታት፡ እታ ብሽክለታ ትቕጽል ከምዘላ ዝኣምኑ`ኳ እንተኾኑ፡ ካልኦት ድማ ኤውሮጳዊት ብሽክለታ ኣኻይድኣ ልውይውይ ትብል ዘላ ትመስል ይብሉ።

ብሪጣንያ ካብ`ቲ ደምበ ክትወጽእ ምምራጻ፡ ፖላንድን ሃንጋሪን ልኡላውነትና ኣረጋግጹልና ምባለን፡ ንናይ ጀርመን ቻንስለር ኣንጀላ መርከል ፓርቲ ምርጫ ዝተዋህበ ድኹም ምላሽ፡ ከምኡ`ውን ንብራስልስ ዝውሃብ ስልጣን በዚሑ ዝብሉን ካልኦትን ካብ መንጎ`ቶም ከም ጠንቅታት ዝርኣዩ ዘለዉ`ዮም።

ቻርለስ ኩፑቻን፡ ኣብ ምምሕዳር ኦባማ፡ ክኢላ ጉዳይ ኤውሮጳ ዝነበረ`ዩ፡ “ኤውሮጳ ካብ ሕብረት ናብ ነብስወከፍ ሃገራት፡ ናብ ተሪር ልኡላውነትን ዕጹው ዶባትን ትምለሰሉ ኩነታት ንርኢ ከይንህሉ ይስከፍ`የ” ይብል ።

ኣብ ቤት-መኽሪ ዝምድናታት ወጻኢ ዝሰርሕ፡ ጀፍሪ ገድሚን ብወገኑ፡ ንዝሓለፈ 10`ታት ዓመታት፡ ንኤውሮጳ ሰላምን ብልጽግናን ክልግሰላ ዝጸንሐ ፖለቲካውን ኤኮኖሚያውን ብቕጽበት ይሃስስ ኣሎ ይብል። ካብ መንጎ ምኽንያታት ገሊኡ፡ ግሎባላውነት፡ ትንሳኤ ሩስያን፡ ዳግመ-ምቑጣብ ኣመሪካን ምዃኑ`ውን ይጠቅስ።

ካልኦት `ውን፡ ህዝቢ ኤውሮጳ ነቲ ዝሓለምዎ፡ ማእከላይ እቶት-ናብራ ስለዝሰኣንዎ፡ ኣብ ልዕሊ መራሕቲ ዘይምሕጓስ ስምዒት ኣሎ ይብሉ። ስተፈን ዛቦ ካብ ጆን ሃብክንስ ዩኒቨርሲቲ ሓደ ካብኦም`ዩ፡

“ንዕኦም ትኸውን ኤውሮጳ ኮይኑ ክስምዖም እንተኾይኑ፡ ሻቕሎቶም ግምት ክውሃቦ ኣለዎ” ።

ምሉእ ትሕዝቶ ኣብዚ ምስማዖ ይክኣል።

ሕብረት-ኤውሮጳ፡ ጉዕዝኡ ምስ ብሽክለታ ተመሳሲሉ`ሎ- ምኻድ እተቋሪጹ ዝወድቕ
please wait

No media source currently available

0:00 0:03:17 0:00

ማሕበራውን ፖሊቲካውን ቅልውላው ኤውሮጳ፡ በዚ ዳሕራዋይ ሓደ ሚልዮን ዝኾኑ ስደተኛታትን ፍልሰተኛታትን ብኢሱዎ ይርከብ-መብዛሕቲኦም ካብኦም ሙስሊም`ዮም።

ድሕረ-2ይ ኩናት ዓለም-ኤውሮጳ፡ ካብ ዩ.ኤስ `ውን ቀጻሊ ድጋፍ`ያ ክትረክብ ጸኒሓ። ግን ኣብ`ዚ ጉዳይ`ዚ`ውን ግዜ ይቕየር ኣሎ`ዩ። ኣብ መንጎ ሃገራት ትራንስ-ኣትላንቲክ፡ ጉዳይ ምሽካም ዕዳን፡ መሻርኽቲ ዝህልወን ሓላፍነትን ኣብ እዋን ምምሕዳር ትራምፕ ጎሊሑ መጺኡ`ሎ። ስተፈን ዛቦ ግን፡ ድሕሪ ምምሕዳር ትራምፕ`ውን እንተኾነ፡ ኣመሪካ እቲ ንዝሓለፈ 50 -60 ዓመታት ክትጻወቶ ዝጸንሐት ተራ ክትቅጽሎ`ያ ኢልካ ምግማት ይሸግር`ዩ ይብል።

ብዝኾነ ግን፡ ኤውሮጳክ ኣብ`ቲ ማዕበል ክትሃድም ዘይኮነትስ ኣብ`ቲ ማዕበል ክትሳፈር ከምዘለዋ መብዛሕቲኦም ተንተንቲ ይሰማምዑ።

መውሃቢ ርእይቶ ኣብ ፈይስቡክ

ኣብዚኣ'ሞ

ቁጽሪ ተሳተፍቲ ሃገራት ዋንጫ ዓለም 2026 ብኽንደይ ክዓቢ እዩ?

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG