ክርከብ ዝኽእል መራኸቢታት

6ይ ዙርያ ባዓል ብሄርን ብሄረሰባትን ኢትዮጲያ ኣብ ከተማ መቐለ ተኸቢሩ


ቢሮ ርክብ መንግስትን ህዝብን ትግራይ ንድምጺ ኣሜሪካ ብመሰረት ዝሃቦ መግለጺ እቲ ባዓል ኣብ መንጎ ህዝብታት ሓበራዊ ምርድዳእ ንምፍጣር ዝዓለመ እዩ ይብል::

ምክትል ሓላፊ እቲ ቢሮ ኣይተ ገብረሚካኤል መለስ እቲ ባዓል ኣጋይሽ ካብ ኣላማጣ ኣትሒዙ ብዝተገበረ ኣቀባብላ ይጅምር ኢሎም:: ብድሕሪኡ ናብ ሃገረ ሰላም ኣብ ዝተገበረ ዑደት ኣጋይሽ ቅድሚ ምድምሳስ ደርግ መዋፈሪ ኢህወደግ ዝነበረ ባዓቲ ክሪኡ ተገይሩ::

ኣብ ከተማ መቐለ ዝተፈላለዩ ስፖርታዊ ምርኢት ክካየድ ቀንዩ:: ብሊቃውንቲ ዝቐረበ ዓውደ መፅናዕቲ ተሳሊጡ:: ባህላዊ ምርኢት ብሄርን ብሄረሰባትን ኣብ ጎደናታት መቐለ ቀሪቡ:: ኣብ ኢትዮጲያ ዝረአ ዘሎ ከለማዳያዊ ለውጢ ዝነግር ዓውደ ርእይ እውን ተኸፊቱ’ሎ::

እቲ ባዓል ቀዳማይ ሚኒስትር መለስ ዜናዊን ካልኦት ሰበ ስልጣናትን ከምኡ እውን ብዓሰርተታት ኣሻሓት ህዝቢ ኣብ ዝተረኸበሉ ኣብ ስታድዮም ትግራይ ተባዒሉ::

ብፍላይ ኣብ ቤት ትምህርቲ መርሃ ጥበብ መቐለ ብኣልባሳት ዝተፈላለዩ ብሄርን

ብሄረሰባትን ኢትዮጲያ ዝማዕረጉ ህፃውንቲ ተምሃሮ ብዝላዓለ ክብርን ድምቀትን እንተብዕሉዎ ብኣካል ተረኺበ ተኸታቲለዮ እየ::

ህፃውንቲ ተምሃሮ መርሃ ጥበብ ነቲ ባዓል ኣመልኪቶም ዘሰናድእዋ መዝሙር ድማ ልዑል ህዝባዊ ተቐባልነት ረኺባ’ላ::

ንሙሉእ ትሕዝትኡ ንምስማዕ ናብ ምልክት ድምፂ ብምኻድ ጠውቁ

ኣብዚኣ'ሞ

ኣብዚኣ'ሞ! ብመሰረት ክወሃብ ዝጸንሐ ሓበሬታታት ኤርትራ ኣብ ጉዳይ ሶማል ዝጸንሓ መርገጺ

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG