ኣብ ዞባ ወላይታ ምህማም መሬት 11 ሰባት ቀቲሉ

ካዎ ኮይሻ ኣብ ዝተባህለ ቦታ ናይ ዞባ ወላይታ፡ ክልል ደቡብ ኢትዮጵያ ሎሚ ሰኑይ ብዘጋጠመ ምህማም መሬት 11 ሰባት ምማቶም ንክፍሊ መራኸቢታት ዞባ ወላይታ ብምጥቃስ ኣገልግሎት ዜና ኣሶሸይትድ ፕረስ ሓቢሩ።

እዚ ሓድሽ ሓደጋ ምህማም መሬት ዘጋጠሞ ከባቢ ምስቲ ኣብ ዝሓለፈ ወርሒ ህይወት 250 ሰባት ዝወሰደ ናይ ከንቾ ሻቻ ጎዝዲ ምህማም መሬት ኣብ ተመሳሳሊ መስመር ዝርከብ'ዩ። ነቲ ኣብ ሓምለ 21-22 ዝተራእየ ዝዓበየ ሓደጋ ምህማም መሬት ስዒቡ፡ ብተመሳሳሊ’ውን ኣብ ክልል ሲዳማ’ውም ካልእ ሽዱሽተ ሰባት ዝቐተለ ሓደጋ ምግጣሙ ይዝከር።

ሰብ-መዚ ኢትዮጵያ ነቲ ተደጋጋሚ ዝርአ ምህማም ምድሪ ኣብ ግምት ብምእታው መጠንቀቕታ ክህቡ ምጽናሖም ይዝከር።