Mr. Puddington ኣብ`ቲ ምስ ቪኦኤ ዝገበርዎ ቃለ-መጠይቕ፡ ኣብ ትሕቲ ቐዳማይ ምንስተር መለስ ዜናዊ ትመሓደር ኢትዮጵያ፡ ኻብ ግዜ ናብ ግዜ፡ ኻብ ደሞክራሲ እናረሓቐት `ኳ እንተኾነት፡ ኣብ ዝሓለፉ ዓመታት ኣብ ደረጃ “ኸፊል ናጻ” ዝብሃላ ሃገራት`ያ ጸኒሓ፡ ኣብ`ዚ ዓመት`ዚ ግና፡ ብምኽንያት ዝሓለፈ ምንጫ፡ ኣብ “ናጻ ዘይኮና ሃገራት” ድልድል ኣትያ`ላ ኢሎም።
ኣተሓሒዞም፡ መስርሕ ደሞክራሲ ኣብ ኢትዮጵያ ኣንቆልቁሉ ዝበሉሉ ምኽንያት ክገልጹ ኸለዉ፡ ነቲ ምርጫ ዝተኸታተሉ ናጻ ተዓዘብቲ፡ እቲ ምርጫ ናጻ ኣይነበረን ምባሎምን፡ ኸምኡ`ውን ዝተደናገረ`ዩ ኔሩ ብምባሎም`ዩ ኢሎም። “መንግስቲ ኢትዮጵያ ኣብ መሓውር ዜና ዘለዎ ምቁጽጻር፡ ንደገፍቲ ተቓወምቲ ምእሳር፡ እዚ ኹሉ፡ እታ ሃገር ናብ ዘይፍትሓዊ ምምሕዳር ትግስግስ ከምዘላ ዘርኢ`ዩ”።
ሰበ-ስልጣን መንግስቲ ኢትዮጵያ፡ ቅድሚ ሎሚ ተሟገቲ ሰብኣዊ መሰል ዘቕርብዎም ክስታት፡ መሰረት ዘይብሎም`ዮም እናበሉ ኽነጽግዎም ጸኒሖም`ዮም።
ንምሉእ ትሕዝቶ ሪፖርት፡ ንምልክት ድምጺ ጠውቕ፡
