ምንስትር ወፃኢ ሳምሃ ሽኩሪ፣ትማሊ ሰንበትን ሎሚ ሶኒይን ምስ ምንስትር ወፃኢ ኢትዮዽያ ዶ/ር ቴድሮስ ኣድሓኖም ተዘራሪቦም‘ለው።
መራሕቲ ግብፅን ኢትዮዽያን ኣብ ማላቡ ኣብ ዝተራኸቡሉ እዋን ብመሰረት ዘሕለፍዎ ውሳነ ንዝምልከቶም ሰበ-ስልጣን መምርሒ ከምዘውረዱ ሚስትር ወፃኢ ግብፂ ሳምሃ ሽኩሪ ንጋዜጠኛታት ገሊፆም።
ብዝተኣሳሰረ ዜና፣ኢትዮዽያን ግብፅን ንግብረ-ሸበራ፣ውዱብ ገበናትን ንግዲ ደቂ-ሰባትን ብሓባር ንምውጋእ ተሰማሚዔን።
ግብፅን ኢትዮዽያን ግብረ-ሸበራ ብኩሎም መግለፂታቱ ከምዝኹነን፣ብሓባር ክምክተኦን ተሰማሚዔን‘ለዋ።
ክልቲኤን ሃገራት ኩነታት ሶማልያ፣ደቡብ ሱዳን፣ሊብያ፣ቡርኪናፋሶን ግዝኣት ፍልስጤማውያንን ኣልዒለን ኣብ ምርድዳእ በፂሔን‘ለዋ ስምዕዕነት‘ውን ኣሲረን።ተራ ሕብረት ኣፍሪቃት በይነ-መንግስታት ምብራቅ ኣፍሪቃ ኢጋድን‘ውን ተዘሪቡሎም‘ዩ ብመሰረት ትካል ዜና ግብፂ።
