“መራሕቲ ኢትዮጵያን ግብፅን ኣብ’ቲ ዞባን ኣህጉርን ንዘለዎም ፅልዋ ተጠቂሞም ንሓባራዊ ረብሓ ንክሰርሑ ከምዝተሰማማዑ” ተፈሊጡ’ሎ።
መራሕቲ ኢትዮጵያን ግብፅን ስሩዕ ኣኼባ መራሕቲ ሕብረት ኣፍሪቃ ቅድሚ ምጅማሩ ተራኺቦም ኣብ ሓባራዊ ጉዳያት ተዘራሪቦም’ለው።
ኣማኻሪ ቀ/ሚ ኢትዮጵያ ዝኾኑ ኣቶ ጌታቸው ረዳ ንቪኦኤ ብመሰረት ዝሃብዎ ቃለ-ምልልስ ቀ/ሚ ሃይለማርያም ደሳላኝን ፕረዚደንት ኣል-ሲሲን ስግር ግድብ ኣባይ ኣልዒሎም ትማሊ ምሸት ተዘራሪቦም ኢሎም፡-
ፕረዚደንት ኣል-ሲሲ ብጠንቂ ኣብ ሃገሮም ተፈፂሙ ዝተባሃለ መጥቃዕቲ ጉጅለ ፈጠርቲ ራዕዲ፡ ንኣኼባ ሕብረት ኣፍሪቃ ኣቓሪፆም ንዓዶም ከምዝተመለሱ ምንጭታትና ይሕብሩ።
