ኢትዮጵያ ኣብ ልዕሊ እኒ በቀለ ገርባ ሓዊሱ ኣብ ልዕሊ ሸዓተ ኣባላት ኣመራርሓ ተቓወምቲ ዝተመስረት ክሲ ከምዝቋረፅ ሎማዕንቲ ሰኒ ኣፍሊጣ።
ቀዳማይ ምንስቴር ሃይለማሪያም ደሳለኝ ኣብ ዝሓለፈ ወርሒ ፖለቲካዊ እሱራት ንምፍታሕ ብዝኣተውዎ ቃል መሰረት እዩ እቲ ስጉምቲ ግብራዊ ዝኸውን ዘሎ።
‘’ዋና ዓቃቢ ሕጊ ኣቶ በቀለ ገርባ ሓዊሱ ኣብ ልዕሊ ሸውዓተ ተጠርጠርቲ ዝተመስረተ ኽሲ ተቛሪፁ’ሎ’’ ይብል ፀብፃብ ፋና ብሮድካስቲንግ ኮርፖሬት።ፈፃሚ ስራሕ ኢህወዴግ ኣብ ልዕሊ ፖለቲከኛታትን ውልቀሰባትን ዝተመስረት ክስታት ክቋረፅን ዝተፈርዶም ክኣ ብምሕረት ክፍትሑን ብመሰረት ዘሕለፎ ውሳነ እዩ።
ኣቶ በቀለ ገርባ ኣብ ቤት ፍርዲ ናይ ተቓውሞ መዝሙር ብምዝማሮም ንቤት ፍርዲ ደፊርኩም ብዝብል ሽዱሽተ ኣዋርሕ ማሰርቲ ተፈሪዱዎም’ዩ።መዓስ ከምዝፍትሑ ንፁር ኣይኮነን።
