ዋሽንግተን —
ሓዲሽ ቀዳማይ ሚንስተር ኢትዮጵያ ዶ/ር ኣቢይ ኣሕመድ፡ ምስ ኤርትራ ሰላም ንምፍጣር ቕሩባት ኣለና-ካብ ኤርትራ ድማ ተመሳሳሊ ድልየት ንጽበ- ዝብል ጻዊዒት ድሕሪ ምቕራቦም፡ ካብ ወገን መንግስቲ ኤርትራ ዝተዋህበ ርእይቶ ይለን- ብወገና ምላሽ ንምርካብ ዝገበርናዮ ጻዕሪ`ውን ንሎሚ ኣይሰለጠን።
እንተኾነ ክሳብ ሎሚ ዘሎ መርገጽ መንግስቲ ኤርትራ፡ ብመሰረት ብይን ኮሚሽን ዶብ ኤርትራን-ኢትዮጵያን፡ ኢትዮጵያ፡ሰራዊታ ካብ ልዑላዊ መሬት ኤርትራ እንተስሒባ ብኡ ንብኡ ክንላዘብ ድልዋት ኣለና ዝብል ምዃኑ ዝፍለጥ ኮይኑ፡ ንሎሚ ዝተፈላለየ ፖለቲካዊ ኣረኣእያ ዘለዎም ኤርትራውያን ዜጋታት`ከ ነዚ ብሓዲሽ ቀዳማይ ሚንስተር ኢትዮጵያ ዝቐረበ ናይ ሰላም ጻዊዒት ብኸመይ ይርእዮ ንዝብል ዝሃብዎ ርእይቶ ኣብዚ ምስማዕ ይክኣል።
