ክርከብ ዝኽእል መራኸቢታት

ኤርትራውያን ንጸብጻብ መርማሪት ኮሚሽን ዝቃወሙ ኣብ ጀነቫ: ዝድግፉ ድማ ኣብ እስራኤል ሰላማዊ ሰልፊ ከካይዱ ውዒሎም


ካብ ዝተፋላለያ ሃገራት ዝመጹ ኣሸሓት ኤርትራውያን ኣብ`ታ መርማሪት ኮሚሽን ሰብኣዊ መሰላት ሪፖርት ዘቕረበትላ ከተማ ጀነቫ ኣንጻር`ቲ ሪፖርት ተቓውምኦም ከስምዑ ውዒሎም። ብኻልእ ወገን ነቲ ሪፖርት ዝድግፍ ሰልፊ ኣብ እስራኤል ከምዝተኻየደ`ውን ተሓቢሩ`ሎ።

ሰልፊ ተቓውሞ ንጸብጻብ መርማሪት ኮሚሽን (ጀነቫ ስዊዘርላንድ)
ሰልፊ ተቓውሞ ንጸብጻብ መርማሪት ኮሚሽን (ጀነቫ ስዊዘርላንድ)

ካብ ተሰልፍቲ ጀነቫ ተኪኤ ክብሮም “ ኣንጻር ዓመጽቲ ሓድነትና ክነመስክር ውዒልና፡ ንዓና ንኤርትራውያን ከህስሱ ምፍታን ግን፡ ከም ንጸሓይ ብሰተታ ክትሽፍን ምፍታን`ዩ “ ኢሉ። ዮውሃንስ ዝተባህለ ካልእ ተሰላፊ ብወገኑ፡ “ ኤርትራውያን ኣብ ጀነቫ ተኣኪብና ዘለና፡ መኸተናን ሓድነትናን ጽንዓትናን ዳግም ንምምስካር`ምበር፡ ካብ`ታ ከምታ ኣብ`ቲ ኣፍደገ ዘላ`ሓንካስ መንበር` ሓንካስ ዝፍርዱ ሕቡራት ሃገራት ቅኑዕ ፍርዲ ተጸቢና ኣይኮናን “ ኢሉ።

ካብ ሰልፊ እስራኤል ንቪኦኤ ዝተዛረበ ኣድሓኖም ተክለሚካኤል ብወገኑ፡ “ ኣብ ኤርትራ ዝፍጸም ዘሎ መግህስቲ መሰላት`ዩ ነቲ ሪፖርት ንኽንድግፍ ዘገበረና`ምበር…..(ኻልእ ዕላማ ) ኣይኮነን፡ ኤርትራ ንኤርትራውያን`ያ ትምልከት “ ኢሉ።

ሰልፊ ተቓውሞ ንጸብጻብ መርማሪት ኮሚሽን (ተል ኣቪቭ እስራኤል)
ሰልፊ ተቓውሞ ንጸብጻብ መርማሪት ኮሚሽን (ተል ኣቪቭ እስራኤል)

ወከልቲ`ቶም ንሪፖርት ኮሚሽን ዝቃወሙ ተሰልፍቲ፡ 150 ሺሕ ፊርማታት ዝሓዘ ሾውዓተ ባኮታት(ሳጹናት) ናብ ሹዱሽተ ሰበ-ስልጣን ሕቡራት ሃገራት ከምዝተረከበ ሓቢሮም። ኣብ`ቲ ሰል09ፊ፡ ኢትዮጵያውያን ዝርከብዎም ገለ “መሓዙት ኤርትራ” ናይ ድጋፍ መደረታት ኣስሚዖም ኔሮም።

ሙሉእ ጸብጻብ ትሕት ኢሉ ኣብ ዝርከብ ናይ ድምጺ ፋይል ምስማዕ ይከኣል።

ኤርትራውያን ንጸብጻብ መርማሪት ኮሚሽን ዝቃወሙ ኣብ ጀነቫ: ዝድግፉ ድማ ኣብ እስራኤል ሰላማዊ ሰልፊ ከካይዱ ውዒሎም
please wait

No media source currently available

0:00 0:13:38 0:00

ኣብዚኣ'ሞ

ቁጽሪ ተሳተፍቲ ሃገራት ዋንጫ ዓለም 2026 ብኽንደይ ክዓቢ እዩ?

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG