ብምኽንያት ሓዲሽ ዓመት ምስ መራኸቢ ብዙሓን ኤርትራ ቃለ-መጠይቕ ዝገበሩ ኣቶ ኢሳያስ ኣፈወርቂ፡ ኤርትራ ኣብዚ እዋን`ዚ ሃገራዊ ምርጫ ምክያድ ቀዳምነት ከምዘይትህቦ ኣፍሊጦም።
እቶም ኣብ ስደት ዝተፈላለየ ማሕበረ-ቁጠባዊ ጸገማት እናሕለፉ ዝነብሩ መንእሰያት፡ ክሳራታት ናይ ሃገር`ዮም ዝበሉ ፕረሲደንት ኢሳያስ “ንሕና እቲ ዝግባእ ሃዋህው ክሳብ ዘይፈጠርና፡ ከምዚ ዓይነት ተርእዮታት ክቕልቀል ምዃኑ ከገርመና የብሉን” ኢሎም።
ዝምለሱ መንእሰያት ዝኾነ ይኹን ስግኣት ከይሓድሮም ምእንታን፡ ውሕስነት ዝህብ ኣገባብ ሕጋውነት ክተልብሶ`ውን ዘጸግም ኣይኮነን ኢሎም። ኣተሓሒዞም፡ ናብ ዓዶም ንዝምለሱ መንእሰያት ክኣስርን ከሳቕን ስልጣን ዝተዋህቦ ወገን የለን ኢሎም፡
ንምሉእ ትሕዝቶ ኣብ ምልክት ድምጺ ጠውቑ፡
