ዋሽንግተን —
ተፈሪ መብራህቱ ኣብ ኣህጉራዊ ፊልም ፌስቲቫል ህዩስተን ንሳልሳይ ግዜኡ'ዩ ዝዕወት ዘሎ። ቅድሚ ሕጂ ኣብ መበል 48 ከምኡ'ውን ኣብ መበል 47 ኣህጉራዊ ፊልም ፌስቲቫል ህዩስተን ተዓዊቱ ነይሩ። "ራህዋ" ን "ቀያሕ ርግቢት" ብዝብላ ፊልምታቱ ናይ ነሓስን ብሩርን ሽልማት ከምዝተዓወተ'ዩ ይፍለጥ።
"ድሕሪ ኲናት"ን "ሰሎሞን"ን ዘርእስተን ክልተ ኣብ ኤርትራ ዝተሰርሓ ፊልምታት ኣብ ዝሓለፈ ቕንያት ኣብ ዝተኻየደ መበል 49 ኣህጉራዊ ፊልም ፌስቲቫል ህዩስተን 2016 ናይ ወርቂ ሽልማት ተዓዊተን።"ድሕሪ ኲናት" ደራሲ ኣብርሃም ተስፋልኡል ዳይረክተራ ድማ ተፈሪ መብራህቱ ክኸውን እንከሎ: ኤፍሬም ዓንደማርያም ጸሓፍን ዳይረክተርን ፊልም 'ሰለሞን' እዩ።
ምሉእ ትሕዝቶ ምስ ተዓዋቲ ተፈሪ መብራሕቲ ዝተካየደ ቃለ-መጠይቕ ኣብዚ ምስማዕ ይክኣል።
