እቲ ጥሪ 21 ኣብ ሚንስትሪ ዜና ኤርትራ ዝተራእየ ፍፃመ ከም ሓደ ኣካል ናይ ህዝቢ ምንቅስቃስ ኢና ንርእዮ - ሰልፊ ዲሞክራሲ ህዝቢ ኤርትራ

እቲ ኣብ ኤርትራ ኣብ ሚኒስትሪ ዜና ብ'21 ጥሪ ዝተራእየ ፍፃመ ከም ሓደ ኣካል ናይ ህዝቢ ምንቅስቃስ ኢና ንርእዮ ክብል ሰልፊ ዲሞክራሲ ህዝቢ ኤርትራ - ስድህኤ ገሊፁ።

ተአሲሮ ዝበሃሉ ዘለው'ውን ከም ዝተኣስሩ ተኣማኒ ሓበሬታ አለና ክብሉ ኣቦ መንበር'ቲ ሰልፊ አቶ መንግስትአብ አስመሮም ምስ ሬድዮ ድምፂ ኣሜሪካ ኣብ ዘካየድዎ ቃለ-መጠይቅ ተዛሪቦም።

ብኻልእ ወገን ድማ ኣብ ኣዲስ ኣበባ ኣብ ዝርከብ ሕብረት ኣፍሪቃን ኮሚሽን ኢኮኖሚ ኣፍሪቃን ናይ ኤርትራ ኣምባሳደር አቶ ግርማ አስመሮም ብፅሑፍ ኣብ ዘውፅእዎ መግለፂ ፣ ብዛዕባ'ዚ ናይ 21 ጥሪ 2013 ኣብ ሚኒስትሪ ዜና ዘጋጠመ ፍፃመ ብዛዕባ ኩነታት ኤርትራን ብዛዕባ'ቲ ወታሃደራዊ ፈተነ ዕልዋ መንግስ ተባሂሉ ዝተፀወዔን ብሚድያ ዝተዋደደ ወፍሪ መጋገይ ሓበሬታ ይካየድ'ሎ ክብሉ ገሊፆም።

ኣምባሳደር ግርማ ኣብቲ ናይ ፅሑፍ መግለፂኦም ፣ ኣብ ኤርትራ ወታሃደራዊ ፈተነ ዕልዋ መንግስቲ ፈፂሙ አይነበረን፣ እዚ ብርግፀኝነት ገሊኦም ወገናት ዝሓልምዎ'ዩ እብል ኢሎም።

ሙሉእ ጥሕዝቶ ንምስማዕ ናብ ምልክት ዽምፂ ብምኻድ ጠውቁ።