መዓልቲ ሰማእታት ኤርትራ ተዘኪሩ ውዒሉ

መዓልቲ ሰማእታት ኤርትራ ሎሚ 20 ሰነ ኣብ መቓብር ሓርበኛታት ኣስመራ ብዝተኻየደ ዛዛሚ ስነ-ስርዓት ተዘኪሩ ውዒሉ። ምስቲ ዕለት ተኣሳሲሩ በበይኑ ንጥፈታት ክካየድ ዝቐነየ ኰይኑ፡ ሎሚ ኣብ ሰዓታት ንግሆ ንላዕለዎት ሰበ-ስልጣን መንግስቲን ህዝቢን ዝሓቘፈ ካብ ሓወልቲ ሽዳ ናብ መቓብር ሓርበኛታት ጸጸራት እውን ሓጺር ጕዕዞ እግሪ ተኻይዱ'ዩ። ኣብቲ ስነ-ስርዓት ዝኽሪ ነቲ ዕለት ዘኽብር በበይኑ ስነ-ጥበባዊ ስራሓት ድሕሪ ምክያዱ ድማ ፕረዚደንት ኢሳይያስ ኣፈወርቂ ዕንባባ ብምንባር ከም ዝተዘከረ መንግስታዊ ማዕከናት ዜና ኣመልኪተን።

ኣብዚ ናይ ሎሚ ዓመት መዓልቲ ሰማእታት ፕረዚደንት ኢሳይያስ መደረ ኣስሚዑ እንተዀይኑ መንግስታውያን ምንጭታት ኣይጠቐሱን።