ዮርዳኖስ ሉሉ ወ/ት ናጽነት ብምዃን ዘውዲ ቁንጅና ደፊኣ

ብምኽንያት 20 ዓመት ጽንብል ናጽነት ኤርትራ ኣብ ዝተዳለወ ውድድር ቁንጅና 100 ቆነጃጂት ተወዳዲረን። ድሕሪ ተኸታታሊ ናይ መጻርዪ ውድድራት ድማ 18 ናብቲ ናይ መወዳእታ ዙር ሓሊፈን። ድሕሪ`ዚ መዓልቲ ናጽነት 2ተ መዓልታት ክተርፎ ኸሎ ኣብ ዝተኻየደ ናይ መወዳእታ ውድድር፡ ብድምር ውጽኢት ዮርዳኖስ ሉሉ ተዓዋቲት ወ/ት ናጽነት 2011 ክትከውን በቒዓ`ላ።

ሰለስቲአን ተዓወትቲ ማለት ዮርዳኖስ ሉሉ፡ ሩት ገረዝጊሀር፡ ዓሻ ሆርቢ ምስ ጋዜጠኛ ድምጺ ኣመሪካ ተወልደ ወልደገብሬል ኣብ ዝገበርኦ ቃለ-መጠይቕ፡ ነቲ ዝተዓወታሉ ሞያ ብዕቱብ ክደፍኣሉን ኣብ ኣህጉራዊ መድረኻት ከብጽሕኦን ከምዝደልያ ኣረጋጊጸን።

ዮርዳኖስ ኣብ ዝሃበቶ ናይ መዕጸዊ መልእኽቲ፡ ኤርትራውያን ደቀንስትዮ ነቲ ዘለወን ፍሉይ ጽባቐን ርእሰ ተኣማንነትን ናብ ደገ ብምውጻእ ንነብሰን ንወለደን ኣኹሪዐን ኣብ ቅድሚ ዓለም`ውን ንሃገረን ሓበን ክኾና መኺራ።

ምስ ሰለስቲአን ተዓውትቲ ዝተገብረ ቃለ-መጠይቕ ንምስማዕ ኣብ ምልክት ድምጺ ጠውቑ፡-