ሰብ-ኣልቦ ነፋሪት ብምስራሕ ቀዳማይ ብልጫ ዝተዓወተ መንእሰይ ካብ ፕረሲደንት ኢሳያስ ሽልማት ተቐቢሉ።
ፒትያስ ጸጉ ይብሃል፡ ሎሚ ዓመት ካብ ናይ ኤርትራ ኢንስቲቱት ተክኖሎጂ ብኤለክትሪካል ኤለክቶርኒክስ እንጅነሪንግ ተመሪቑ።
ኣብ ሓይሊ-ኣየር ኤርትራ ድማ ንሓደ ዓመት ሰልጢኑ።
ንሱ ሰብ-ኣልቦ ነፋሪት ማለት ድሮን ብምስራሕ፡ ሎሚ ዓመት ኣብ መስቲቫል መንእሰያት ኤርትራ ካብ ዝቐረቡ ተክኖሎጂካዊ ሰንዓታት ቀዳማይ ብልጫ ክዕወት ክኢሉ`ሎ።
ፒትያስ፡ ነታ ዝሰርሓ ድሮን ምስ ኮምፒተሩ ብምርኻብ ካብ ኣየር ስእልን ጸብጻባትን ክተምጽኣሉ ኣብ ምስራሕ ይርከብ።
“ ኣብ ቀጻሊ ሓደሓደ መልእኽቲታት ንምብጽጻሕ ክተገልግል`ውን ተስፋ እገብር” ይብል መንእሰይ ፒትያስ ጸጉ ።
