"ዓለም ኣብ 2011" ብዝብል ዘ ኢኮኖሚስት ዝተባህለ መፅሄት ኣብ ዝሓለፈ እዋን ዘውፅኦ ፀብፃብ ብምጥቃስ ሎሚ ቅነ ኣብ ዝተፈላለየ ዓንዲ እንተርኔት ዝወፀ ሓደ ፅሑፍ ኢኮኖሚ ኤርትራ ካብ ናይ ቃጣርን ጋናን ይዓቢ'ሎ ክብል ይገልፅ።
ናይ ኣመሪካ ማእከል ስለያ (CIA) ድማ፡ ኤርትራ ኣብ 2011፡ ናይ 8.2% ዕብየት ከም ዘርኣየት ይጠቕስ
ብዛዕባ ህልው ኩነታት ኢኮኖሚ ክዘራረቡ ሬድዮ ድምፂ አሜሪካ ዝዓደሞም ዶ/ር በርሄ ሃብተ ጊዮርጊስ ካብ ዩናይትድ ስቴይትስ ክፍለ ግዝአት ኒውጀርሲ ኣብ ሮዋን ዩኒቨርስቲ ፕሮፈሰር ዕዳጋን ምምሕዳርን ከምኡ'ዉን አቶ ዓብድራሕማን ሰይድ ካብ ሎንደን ዓባይ ብሪጣንያ ተሓላቂ ፖሎቲካውን ሰብአውን መሰላትን ምሁር ዓለም ለኸ ርክባትን አፈታትሓ ጎንፅታትን ነናቶም ርኢቶ ሂቦም'ለው።
ቀዳማይን ካልአይን ክፍሊ ቀሩቡ'ሎ። ንምስምዑ ናብ ምልክት ድምፂ ብምኻድ ጠውቁ
