ዋሽንግተን —
ኩሉሊ በዓል-ብርኪ ኩባንያ በቲ ኣብ ኣውስትራልያ ዝመደበሩ ዳናኪል ዝበሃል ኩባንያ ማዕድን ዝውነን ኮይኑ ኣብ`ቲ ናይ ኩሉሊ ማዕድን 50 ሚእታዊት ብርኪ ከምዝውንን ክፍለጥ ተኻኢሉ`ሎ።
ነቲ ናይ መወዳእታ ዲዛይን ናይ ፕሮጀክት ትሰርሖ ዘላ ፍሎር ትብሃል ኣመሪካዊት ኩባንያ ምዃና፡ ከምኡ`ውን ጀይ ፒ ሞርጋን ዝተባህለ ናይ ኣሜሪካ ዝዓበየ ባንኪ 9.2 ሚእታዊት ብርኪ ከምዝውንን ኣካያዲ ስራሕ ፕሮጀክት ማዕድን ኩሉሊ ኣቶ ዘርኣይ ለኣከ ንድምጺ ኣሜሪካ ሓቢሩ`ሎ።
እቲ ኣብ ሰሜናዊ ቀይሕ ባሕሪ ከባቢ ባዳ ዝርከብ ፕሮጀክት ማዕድን ኩሉሊ ልዕሊ ሓደ ቢልዮን ቶን ፖታሽ ከፍሪ ከምዝኽእል ተሓቢሩ`ሎ።
ኣብ ፕሮጀክት ኩሉሊ ዝፈሪ ማዕድን ፖታሽ ንሕርሻ ኣዚዩ ተመራጺ ምዃኑ ይፍለጥ።
ምሉእ ትሕዝቶ ኣብዚ ምስማዕ ይክኣል።
