ፕረ. ኮሎምብያ ኣብ ምድሓን ህይወት ዝወደቐት ነፋሪት ንዝተሳተፉ ሽልማት ሂቦም

ፕረዚደንት ኮሎምብያ ጉስታቮ ፔትሮ ድሕሪ ምውዳቕ ዝጉዓዙላ ዝነበረ ነፋሪት ኣብ ኣማዞን ንሓሙሽተ ሰሙናት ኣብ ዱር ዝጸንሑ ኣርባዕተ ህጻናት ኣብ ምድሓን ዝተሳተፉ ደቂባትን ወታሃደራትን አባላት ህይወት ኣድሕን ትማሊ ሰኑይ 26 ሰነ 2023 ሽልማት ሂቦም።

እቶም ህጻናት ካብ ሓደ ዓመት ስጋብ 13 ዓመት ዝዕድሚኦም ኮይኖም ካብታ ኣብ 1 ግንቦት 2023 ንወላዲቶምን ካልኦት ክልተ ሰባትን ዝሞትሉ ሓደጋ ምውዳቅ ነፋሪት ድሒኖም ኣብ ፈለማ ወርሒ ሰነ ምርካቦም ይፍለጥ።

እቶም ህፃናት ኣብ ሆስፒታል ዝርከቡ ኮይኖም ብዘዕግብ ኣገባብ ጥዕንኦም ይመሓየሽ ከምዘሎ መንግስቲ ኮሎምብያ ይገልጽ።