ሰብ-መዚ ካምቦድያ ልዕሊ 5-ሽሕ ኪሎ ግራም ሓሽሽ የቃጽሉ

ሰብ-መዚ ካምቦድያ ሎሚ ረቡዕ ኣብ ርእሰ-ከተማ ፕኖም ፐን ኣብ ዝተኻየደ ስነ-ስርዓት፡ ልዕሊ 5.7 ቶን ወይ ድማ ልዕሊ ሓሙሽተ ሽሕ ኪሎግራም ዝምዘን ኣወለፍቲ ዕጸ-ፋርሳት ኣቃጺሎም። እዚ ዝተቓጸለ ዕጸ-ፋርስ ካብ መፋርቕ ዝሓለፈ ዓመት ኣትሒዙ ብፖሊስ ዝተኣከበ ምዃኑ እቲ ዜና ይጠቅስ።

እዚ ናይ ምቅጻል ስነ-ስርዓት ኣካል’ቲ ብሰኑይ ኣብ ሓያሎ ሃገራት ዝተኻየደ ዓለማዊ መዓልቲ ኣንጻር ንዘይሕጋዊን ኣደንዘዝቲን ዕጸ-ፋርሳት ዝብል’ዩ።

ኣብ ካምቦድያ ዝዀነ ልዕሊ 80 ግራም ሓሽሽ ሒዙ ዝተረኽበ ዜጋ ናይ ዕድመ ማእሰርቲ ይብየኖ።

ተመሳሳሊ፡ ሰኑይ፡ ኣደንዘዝቲ ዕጸ-ፋርዛት ናይ ምቅጻል መስርሕ ኣብ ነይንማር ተኻዪዱ ምንባሩ ይፍለጥ።