ሬሳ ብኣል-ሸባብ ዝተቐተሉ ወታሃደራት ሕቡራት ኢማራት ዓረብ ናብ ኣቡ-ዳቢ ተመሊሱ

ኣል-ሸባብ ንቕትለት ኣብ ሞቓድሾ ኣብ ዝርከብ ሓፈሻዊ ወታሃደራዊ መደብር ይስልጥኑ ዝነበሩ ሰለስተ ወታሃደራትንን ሓደ ወታሃደራዊ መኮነን ባሕሬንን ሓላፍነት ወሲዱ ኣሎ።

ፕረዚደንት ሶማል ሓሰን ሸኽ መሓመድ ብሞት እቶም ወታሃደራት ዝተሰመዖም ሓዘን ገሊጾም፡ ብዛዕባ'ቲ መጥቃዕቲ ኮነ ካልኦት ግዳያት እንተለው ብዝምልከት ግን ዝርዝር ሓበሬታ ኣይሓቡን።

መንግስታዊ ኣገልግሎት ዜና ሕቡራት ዓረብ ኢማራት ሰለስተ ወታሃደራትን ሓደ መኮነን ባሕሬንን "ብመጥቃዕቲ ግብረ ሽበራ’’ ተቐቲሎም ክብል ትማሊ ሰንበት ፀብፂቡ።

ኣል-ሸባብ ወታሃደራዊ መኮነን ባሕሬን ዝርከቡዎም ብዙሓት ሰባት ምቕታሉ ኣብ መርበብ ሓበሬትኡ መግለፂ ብምውፃእ ሓላፍነት ወሲዱ ኣሎ።