ቢንያም ግርማይ ኣብ ዓወቱ - “ልዕሊ ትጽቢተይ ሸቶይ ወቒዐ’የ” 

ሎሚ ኣብ ዝተኻየደ ሻሙናይ መድረኽ ዙር ፈረንሳ 2024 ኤርትራዊ ተቐዳዳምይ ጋንታ ኢንተርማሸ ቢንያም ግርማይ ቐዳማይ ኮይኑ ተዓዊቱ።

ጃስፐር ፊሊፕሰን ካልኣይ ኣርኖድ ደ ሊ ድማ ካልኣይን ሳልሳይን ብምኳን ውድድሮም ዛዚሞም።

ኣብቲ 183.4 ኪ.ሜ ዝሸፈነ ውድድር ቢንያም ግርማይ ኣብ ዘካየዶ ቅጽበታዊ ውድድር ቐዳማይ ኮይኑ ተዓዊቱ ንቀጠልያ ማልያ’ውን ክዕቕብ ክኢሉ።

በዚ መሰረት ብንያም ግርማይ 216 ነጥቢ ብምርካብ ቐዳማይ ንካልኣይ ዘሎ ያስፐር ፍሊፕሰን ብ88 ነጥቢ ይመርሕ ኣሎ።ዩናስ ኣብርሃምሰን ድማ ብ107 ነጥቢ ሳልሳይ ኮይኑ’ሎ።

ቢንያም ድሕሪ ዓወቱ ኣብ ዝሃቦ ጋዜጣዊ መግለጺ ተቐዳዳማይ ብሽክለታ ኽከውን ዘብቕዕዎ ኣብኡን ነዲኡን ከምዝውፍዮ ብምሕባር ናይ ፈልማ ሕልሙ ሓንቲ መድረኽ ንምዕዋት ምዃኑ ብምግላጽ ድሕሪኡ ግን ቀጠልያ ማልያን ካልኣይ መድረኽ ምዕዋቱን ልዕሊ ትፅቢቱ ምንባሩ ገሊጹ።