ባይደን ጽባሕ ረቡዕ ህዝባዊ መግለጺ ክህቡ’ዮም

ድሕሪ መልከፍቲ ቫይረስ ኮቪድ ኣብ ዴላዌር ዝርከብ መንበሪ ቤቶም ተወሺቦም ዝቐነዩ ፕረዚደንት ጆ ባይደን ነቲ ዝወሰዱዎ ሃንደበታዊ ስጉምቲ ኣመልኪቶም ጽባሕ ረቡዕ መብርሂ ክህቡ ምዃኖም ኣብ ማሕበራዊ ገጻት ኤክስ ኣካፊሎም። ፕረዚደንት ባይደን ሎሚ ሰሉስ ናብ ቤተ መንግስቲ ዋይት-ሃውስ ይምለሱ ከም ዘለዉ ተሓቢሩ ኣሎ። ፕረዚደንት ባይደን ኣብ ዘካፈሉዎ ሓጺር መብርሂ፡ ነቲ “ዝጀመናዮ ስራሕ ናብ መፈጸምታ ንምብጻሕን ተሪፉ ዘሎ ጕዕዞ ንምብራህን” መብርሂ ክህብ’የ ኢሎም።

ፕረዚደንት ባይደን ካብቲ ውድድር ድሕሪ ምስሓቦምን ንካማላ ሃሪስ ኣብ ክንድኦም ኰይነን ክወዳደራ ብጽሑፍ ድሕሪ ምግላጾምን ዛጊት ናብ ህዝባዊ መድረኽ ኣይቀረቡን ዘለዉ።