ሓድሽ መልከፍቲ ቫይረስ ኮሮና ዘጋጠሞ ፕረ. ባይደን መደባቱ ይስርዝ

ንጎስጓስ ወፍሪ ምርጫ ናብ ላስ-ቬጋስ ዝጓዓዝ ዝነበረ ፕረዚደንት ጆ ባይደን፡ መልከፍቲ ኮሮና ቫይረስ ስለ ዘጓነፎ፡ መደባቱ ሰሪዙ ናብ ገዛኡ ከም ዝተመልሰ ተሓቢሩ።

ውሑድ ምልክታት ከም ዘለዎ ዝተገልጸ ፕረዚደንት ባይደን፡ ካብ መልከፍቲ እቲ ቫይረስ ናጻ ክሳብ ዝኸውን ኣብ መንበሪ ገዛኡ ዴላወር ኰይኑ ክሰርሕ ምዃኑ ወሃቢት-ቃል ዋይት-ሃውስ ካሪን ዢን-ፔየር ኣመልኪታ።

ፕረዚደንት ባይደን ድሕሪ መልከፍቲ ሕክምናዊ ክንክን ይግበረሉ ምህላዉን ኣብ ዝተረጋግአ ኩነታት ከም ዝርከበን ሓካይሙ ሓቢሮም።

ፕረዚደንት ባይደን ኣብ 2022 ክልተ ግዜ ብቫይረስ ኮሮና ተለኺፉ ምንባሩ ይዝከር።