ኣብ ኢትዮጵያ ክልል ኣምሓራ ህዝቢ ዘቕርቦም ዘሎ ሕቶታት ደረጃ ብደረጃ ምላሽ ንምሃብ ከምዝስርሓሉ ኣቦመንበር ብኣዴን ኣቶ ድመቀ መኮነን ተዛሪቦም። ኣብ መሪሕነት ብኣዴን ምክፍፋል ኣሎ ዝብል ወረ `ውን ኣሉታ ሂቦምሉ። ምኽትል ፓርቲ ሓድነት ብወገኖም፡ ብኣዴን ምላሽ ክህብ ዝኽእል ብቕዓት ኣለዎ ኢሎም ከምዘይኣምኑ ተዛሪቦም።
ኣቶ ደመቀ መኮነን፡ ኣቦመንበር ምንቅስቓስ ብሄረ-ኣምሓራ ብኣዴንን ምኽትል ቀዳማይ ሚንስተር ኢትዮጵያን `ዮም፡ ነዚ ኣብ ክሊ ኣምሓራ ዝካየድ ዘሎ ናይ ተቓውሞ ሰልፍታት ኣመልኪቶም ንመንግስታዊ መዲያ ክዝረቡ ኸለዉ፡ ብኣዴን ኢህወደግ ብህዝቢ ንዝቐርቡ ሕቶታት ምላሽ ንምሃብ ድልው`ኣሎ ኢሎም።
“ ክፍትሑ ቃል-ተኣቲዮም ግን ዝተደናጎዩ ጉዳያት ደረጃ ብደረጃ ክፍትሑ`ለዎም፡ ክፍትሑ ዘይክኣሉ ድማ ምኽንያቱ ንህዝቢ ብምግላጽ ክስራሕ`ዩ። ኣብ መርሒነት ዘለዉ`ውን ዝሕተትሉ ሕጊ ኣለና። ሓቢርና ዝተጎዓዝናሎም ክብርታት ግን ከይብርቦሩ ህዝቢ ክቃለሶም ይግባእ።”
እዚ ብኣቦመንበር ብኣዴን ዝተዋህበ ርእይቶ፡ ምስ ለንቅነ ተቓወምቲ ክሓትዎ ዝቐነዩ ተገጣጢሙ`ሎ። መንግስቲ ንህዝቢ ይስማዕ ሰለማዊ ፍታሕ ይድለ ዝብል ጻዊዒት ይርከቦ። ምኽትል ፕረሲደንት መኢኣድ ኣቶ ሙሉጌታ ኣበበ እቲ ብእቶ ደመቀ መኮነን ዝቐረበ መግለጺ ዝእመን ኣይኮነን ይብሉ።
“ ነቲ ጸገም ደረጃ ብደርጃ ክብሉ ኸለዉ ካበይ ከምዝጅምሩ` ኳ ግልጺ ኣይኮኑን፡ ብላዕሊ ድዮም ክጅምሩ ብታሕቲ ግልጺ ኣይኮኑን። ዝተባህለ ይብሃል፡ ህዝቢ ዝሓቶ ዘሎ፡ ናይ ወልቃይት ህዝቢ ናይ ኣምሓራ ናይ መንነት ሕቶ ይመለስ፡ መስለና ይከበር እናበለ`ዩ ዝሓትት ዘሎ። ነዚ ንምፍታሕ ግን እቲ ውድብ`ውን ብቕዓት የብሉን። ንምትሕብባል ዝግበር ዘረባ ስለዝኾነ፡ ህዝቢ ሰልችዎ`ዩ “
ብኻልእ ወገን፡ ኣቶ ደመቀ መኮነን ኣብ መንጎ ብኣዴን ለንቅነ ኣብ ክሊ ኣምሓራ ኣብ ዝተራእየ ተቓውሞታት ምክፍፋል ኣሎ ብዛዕባ ዝተባህለ ዜና፡ ኣሉታ ሂቦምሉ`ለዉ።
“ ሓደ ሓደ ኣካላት ንዘደለይዎ ዕላማን ንምትግባር ንብኣዴን ካብ ህዝቢ ንምፍላይን ንረብሓኦም ንምውዓልን ብዙሕ ግዜ በለካ ለኽዓካ ወረ`ዩ። ካብ ሓቅነት ዝረሓቐ `ዩ። ኣብ`ዚ ጉዳይ`ዚ ፖሊት ቢሮስ ይትረፍ ማእከላይ ኮሚቴ`ውን ኣፈላላይ የብሉን። “
ኣፈላላይ ኣይተራየሎም ዝበልዎም ጉዳያት እንታይ ምዃኖም ግን እቶ ኣቦመንበር ብኣዴን ብዝርዝር ኣይገለጹን።
