መንግስቲ ኢትዮጵያ ንእሱራት መራሕቲ ፖለቲካ’ታ ሃገር ብምሕረትን ኣብ መስርሕ ፍርዲ ንዝርከቡ ድማ እቲ መስርሕ ተቛሪጹ ንክፍትሑ ዘሕለፎ ውሳነ ‘ኣርሒቑ ጠማቲን ዘተባብዕን እዩ’ ክብል ገሊጽዎ ሕብረት ኣፍሪቃ።
ወሃቢት ቃል ኣቦ መንበር’ቲ ሕብረት ኤማ ኮሎንዶ ምስ ቪኦኤ ኣብ ዘካየደቶ ቃለ ምልልስ ‘ኮምሽን ሕብረት ኣፍሪቃን ማሕበረ-ሰብ ሕብረት ኣፍሪቃን፣ ንፖለቲካዊ ውሳነ መንግስቲ ኢትዮጵያ ብታሕጓስ ተቐቢሎምዎ ኣለው’ ኢላ’ላ።
‘ስጉምቲ መንግስቲ ኢትዮጵያ ዘተባብዕን ረባሒን’ዩ’ ዝበለት እታ ወሃቢት ቃል ‘ሃገራዊ ምርድዳእን ተገዳስነትን ከምኡውን ምዕሩይን ነባራይን መቐሎ ጸጋታት ዝፈጥርን ፖለቲካዊ ባይታ ዘስፍሕ ቅሩብነት ከምዘሎን’ ሓቢራ።
