ሕብረት ኣፍሪቃ ኩነታት ክልል ትግራይ ከምዘሻቀሎ ገሊጹ

ሕብረት ኣፍሪቃ ነቲ ኣብ መንጎ ህወሓት ዝተፈጥረ ኩነታት ብቐረባ ይከታተሎ ከምዘሎ ብምግላጽ በቲ ኩነታት ዘለዎ ሻቅሎት ሎሚ ዓርቢ 14 መጋቢት ኣብ ዘውጽኦ መግለጺ ኣፍሊጡ።

ሕብረት ኣፍሪቃ ኣብቲ ክልል ሰላምን ምርግጋእን ዘለዎ ኣድላይነት ብትሪ ብምስማር ኩሎም ወገናት ካብ ተዃታኺ ምንቅስቓስ ክቑጠቡን ኣብ ሃናጺ ልዝብ ክጽመዱን ጸዊዑ።

እቲ ሕብረት ኣብ መግለጺኡ ኩሎም ወገናት ነቲ ኣብ ሕዳር 2022 ኣብ መንጎ ህወሓትን ፈደራል መንግስቲ ኢትዮጵያን ዝተበጽሐ ምቁራጽ ተጻብኦታት ፕሪቶርያ ከኽብሩ ብምትሕስሳብ ኩሎም ወገናት መብጽዖኦም ከኽብሩን ንሰላማዊ መፍትሒ ክተሓበበርን ጸዊዑ።

ሕብረት ኣፍሪቃ ንትግባረ ስምምዕ ፕሪቶርያ ዘለዎ ዘይቕየር ድጋፍ ደጊሙ ብምርግጋጽ ንኩሎም ወገናት ኣብቲ መስርሕ ከምዝድግፍ ደጊሙ ኣረጋጊጹ። ብተወሳኺ ሕብረት ኣፍሪቃ ልዝብን ምትሕብባርን ኣብ መንጎ ኩሎም አካላት ንምስላጥ ከምዝሰርሕ ኣፍሊጡ።