ኤርትራዊት ጀርመናዊት ፍናን ኣተወብርሃን ኣሰልጣኒት ጋንታ ኩዕሶ ስኪዔት ርዋንዳ

ኤርትራዊት ጀርመናዊት ፍናን ኣተወብርሃን ተሓጋጋዚት ኣሰልጣኒት ጋንታ ኩዕሶ ስኪዔት ደቂ ተባዕትዮ ኪጋሊ ታይገርስ'ያ።

ፍናን ነዛ ጋንታ ኪጋሊ ካብ ዝሓለፈ ዓመት ጀሚራ ተሰልጥን ዘላ ክትከውን ከላ ኩዕሶ ስኪዔት ግን ካብ ንእስነታ ጀሚራ ትጻወት ከምዝነበረትን ንሞያ ኣሰልጣኒነት ድማ ጓል 16 ዓመት ኮይና ከምዝጀመረቶ ትገልጽ።

ፍናን ብተወሳኺ ኣብ ሞያ ኢንፎርሜሽን ቴክኖሎጂ'ውን ከም ፕሮጀክት ማናጀር ትነጥፍ።

ካብ ኣውሮጳ ናብ ኣፍሪቃ ብምኻድ ኣሰልጣኒት ጋንታ ደቂ ተባዕትዮ ኮይና ኣብ ትሰርሓሉ ዘላ ሕጂ እዋን ንዘሎ ኩነታትን ሓፈሻዊ ተመክሮኣን ብዝምልከት ኣዘራሪብና'ያ ኣለና።