ኤርትራን ጂቡቲን ክሰሓሓባሉ ንዝፀንሓ መርየት ብሰላማዊ መስርሕ ንምድቃስ ዘኽእለን ውዕል ሰላም ከምዝተፈራረማ ኣብ‘ዚ ሰሙን ተገሊፁ‘ዩ።
እቲ ብሞንጎኛነት ቀጣር ዝተፈፀመ ውዕል-ሰላም ፯ ዓንቀፃት ዝሓዘን፣ ክልቲኤን ሃገራት ካብ‘ቲ ዝሳሓሓባሉ ከባቢ ክስሕባን ሞንጎኛ ሰራዊት ክትካእን ዘፍቅድ ከምኡውን እታ ሸምጋሊት ሃገር ትህቦ ብይን መወዳእታን ኣሳሪን ክኸውን‘ዩ ዝብሉ ገሊኦም‘ዮም።
ነዚ ምዕባለ‘ዚ ንክዘራረቡሉ ክልተ ኤርትራውያን ዓዲምና‘ለና።ዶ/ር ብርሃነ ተከስተን ኣቶ ኢብራሂም ዓብደልኑርን።ኣቶ ኢብራሂም፣ኤርትራ ንሰላም ዘለዋ ቅሩብነታ ደጋጊማ ኣርእያ‘ያ ክብል ከሎ ዶ/ር ብርሃነ ግና ተገዲዳ‘ያ ናብ‘ዚ ብርኪ በፂሓ ይብል።
