እቲ ጉባኤ ኣብ መኽፈትን መዕፀውን ንጋዜጠኛታት ኣሳቲፉ ብዕፅው ዝተኻየደ’ዩ፡፡
ተሳተፍቲ እቲ ጉባኤ ምስ መድረኽ ዝተፈጠረ ሃገራዊ ምትሕብባር ናብ ዝላዓለ ብርኪ ክድይብ ክዝተየሉን ክፀድቕን ከምዝግበር ኣቦ ወንበር እቲ ውድብ ኣይተ ገብሩ ኣስራት ኣብ መኽፈቲ እቲ ኣኼባ ተዛሪቦም፡፡
ኣብ ህንፃን መምርሕን ዓረና ዝመሓየሹ ትሕዝቶታት እንተሃልዮም’ውን ተሳተፍቲ ከምዝዛራረብሉ መግለፂ ኣይተ ገብሩ ይነግር፡፡
‘ዓረና ዴሞክራሲያዊ ኮይኑ ንኽቕፅል ዝመፆ ዘሎ ኩሎም ፀገማት ተፃዊሩ ክኸይድ እዚ ጉባኤ’ዚ ፀርዩን ጠንኪሩን ክኸይድ ኣለዎ’ ኢሎም ኣይተ ገብሩ፡፡
እቲ ጉባኤ ንሓዋሩ ናፅነት ዝኸፍት ጉባኤ ከምዝኸውንን ነዚ’ውን ፍፁም ከምዘይጠራጠሩን ኣቦ ወንበር ዓረና ኣይተ ገብሩ ዘለዎም እምነትን ተስፋን ገሊፆም፡፡
