ዋሽንግተን —
‘ኣብ ኢትዮጵያን ኬንያን ከድምዑ ዝኽእሉ መንግስታት ስለዘለው ክወርድ ዝኽእል ሓደጋ ውሑድ እዩ’ ይብል ካናዳ ኣብ ዝርከብ ዩኒቨርስቲ ኩውኒስ መምህርን ተመራማራይን ታሪኽ ዶ/ር ዓወት ወልድሚካኤል።ዶ/ር ዓወት ኣብዚ ሕዚ እዋን ብድርቂ ኣብ ዝተጠቕዓት ሶማሊላንድ መፅናዕታዊ ስራሓት ይሰርሕ ኣሎ።ኣብ ሶማል ምስ ምድኻም እቲ መንግስትን ኩነታት ፀጥታ ሓደገኛ ምስ ምዃኑን ነቲ ድርቂ ከምዝተሓላለኾን ንሱ ኣብዝበፅሖ ከባቢ ሶማሊላንድ ዝርከብ ሰበኽ-ሳግም ልዕሊ 50 ሚእታዊት ጥሪቶም ከምዝሃልቁ ካብ ናይሮቢ ብስልኪ ገሊፁልና’ሎ።ነቲ ድርቂ ግብረመልሲ ማሕበረሰብ ትሑት ምዃኑ ይገልፅ።
‘እዚ ዞባ እዚ ብተደጋጋሚ ብድርቂ ምስ ምጥቕዑ ኣብ ለገስቲ ትካልትን ሃገራት ምስልቻው ኣሎ፤ኣብ ካልኦት ክፋላት ዓለም እውን ካልኦት ቅልውላዋት ስለዘለው ዓለም ሓይሉ ተኸፋፊሉ ስለዘሎ ጠመተ ማሕበረሰብ ዓለም ነዚ ሓደጋ ኣዚዩ ውሱን እዩ’ ይብል ኣብዚ ኣብ ኣሜሪካ ኣብ ሚዲያ፣ፖለቲካን ሲቪክ ማሕበራትን ዝዋሳእን ናይ መዓረግ ዶክትሬት ትምህርቱ ኣብ ምክትታል ዝርከብን ኣቶ ኣሉላ ሰለሞን።
ምሉእ ትሕዝቶ ኣብዚ ምስማዕ ይክኣል።
