ዴቭድ ኤልስን ትረንት ኮስቶቮስን ዝተባሃሉ ኣሜሪካውያን ሰብሃፍቲ ኣብ ማእኸል ሕርሻ መቐለ ምሩፃት ዓሌት ደራሁ ካብ ህንዲ ኣምጺኦም ብዘመናዊ መንገዲ የፋርዩ ኣለዉ::
ሎምዘበን ልዕሊ ፍርቂ ሚልዮን ጨቓውቲ ናብ ኣብነታውያን ሓረስቶት ትግራይ ከባጽሑ እዮም:: ነተን ጨቓውቲ ዘድሊ ሕክምናውን ናውቲ ቀለብን ከምኡ እውን ኣተሓሕዛ ዝምልከት ዝዋሃብ ትምህርቲ ሓዊሱ ዋጋ ሓንቲ ደርሆ 17 ቅርሺ እዩ ይብሉ::
“ንዓመታ ሓደ ሚልዮን ጨቓውቲ ንኣብነታውያን ሓረስቶት ክንሸይጥ ኢና:: ኣብቶም ቀፀልቲ 5 ዓማውቲ ሕድ ሕድ ኣደ ትግራይ 30 ደራሁ ክትውንን ክንገብር ኢና” ኢሎም ዴቭድ ኤልስ::
ትረንት ኮስቶቮስ “ንሕና ብኣብነት ዝጽራሕ ማሕበረሰባዊ ልምዓት ብተግባር ንምርግጋፅ ኢና ንሰርሕ ዘለና” ይብል::
