ምምሕዳራዊ ቅርጺ ደቡብ ሱዳን ተቐይሩ

ሚስተር ኪር ትማሊ ሓሙስ ምሸት’ዮም ነቲ ኣዋጅ ኣውጺኦም። ኣመሓደርቲ ኩለን 28 ክፍለ-ሃገራት’ውን መዚዞም ኣለው። ዓሰርተ ነባራት ሹመኛታት ካብ መንጎ’ቶም ሓደስቲ ኣማሓደርቲ’ዮም።

መሪሕነት ደምበ ተቃውሞ ግና ክሳብ’ዚ ሰዓት’ዚ ርእይቶ ኣይሃበን ዘሎ።

ዝሓለፈ ሰሉስ፣ ወከልቲ መንግስቲን ተቃወምቲን፣ ኣብ ጁባ ተራኺቦም ብዛዕባ ምቋም መሰጋገሪ መንግስቲ ምዝርራቦም ይዝከር።

ኣብዚ ጉዳይ መግለጺ ዘውጸአት ኣሜሪካ፣ ክልቲኦም ወገናት ናብ’ቲ ልዝብ ምምላሶም ከምዘሐጎሳን ከበድቲን ኣገደስቲን ውሳነታት ምግባር ይጽበዮም ከምዘሎ ኣዘኻኺራ።

ክልቲኦም ወገናት ንትግባረ ውዕል ሰላም፣ ብመንፈስ ሓድነትን ንክሰርሑ ኣሜሪካ ብተወሳኺ ጸዊዓ’ላ።