ኣብ ምዕዋት ግድብ ኣባይ ኩሉ ኢትዮጵያዊ ክተሓባበር ፕሮፈሰር መኮንን ተስፋሁነይ ፀዊዖም

መንግስቲ ኢትዮዽያ እቲ ኣብ ኣፍሪቃ ዝዓበየ ግድብ ኣብ ሩባ ኣባይ ንምህናፅ ወሲኑ፣ዓለም ትካላት-ገንዘብን መሻርኽቲ-ምዕባለን ብገንዘብ ኣይንሕግዝን ስለዝበሉ ህዝቢ ኢትዮዽያ ነቲ ፕሮጀክት ብሓላፍነት ተረኪቡ ንክፍፅም መፀዋዕታ ኣቅሪቡ‘ሎ።ነቲ ምስ ግብፂ ወይ ናብ ምውጣጥ ወይካኣ ናብ ሓባራዊ ምትሕግጋዝ ከብፅሕ ይኽእል‘ዩ ዝተባሃለሉ ግድብ ዘማእከለ ቃለ-ምልልስ ኣሎ።ኣብ ዩኒቨርስቲ ስዊድን መምህርን ተመራማሪን ዝኾኑ ተሓጋጋዚ ፕሮፈሰር መኮንን ተስፋሁነይ’ዮም ናይ ሎሚ ጋሻና።

ንሶም ኣብ ቃለ-ምልልሶም፣እቲ ክፍለጥ ዘለዎ ሃገራዊ ረብሓን ደሕንነትን ግብፂ ምስ ደሕነትን ፀጥታን እስራኤል ብቀጥታ ዝተኣሳሰር ስለዝኾነ'ዩ ዓለም-ለኽ ትካላት ገንዘብን ምዕራባዊያንን፣ኢትዮጵያ ነቲ ህንፀት ግድብ ኣብ ኣባይ ንከይተዕውት ዘዕንቅፋኣ ዘለዋ ኢሎም።
ብዘይካዚ ኣብ'ዚ ሃገራዊ ረብሓ ዘረጋግፅ ፕሮጀክት'ዚ ኩሉ ኢትዮጵያዊ ብኣረኣእያ ከይተፈላለየ ንምዕዋት'ቲ ግድብ ሆ ኢሉ ክላዓል ይግባእ ይብሉ ፕሮፈሰር መኮንን ተስፋሁነይ።