መንግስቲ ሶማሊያ፡ ሰራዊት ኢትዮጵያ ኣብ መሬቱ መጥቃዕቲ ምግባሮም ይኸስስ

መንግስቲ ሶማሊያ፡ ሰራዊት ኢትዮጵያ ኣብ ልዕሊ ኣብ ዶሎው ዝዓስከሩ ሰራዊቱ መጥቃዕቲ ምግባሩ ከሲሱ። ከም መግለጺ ሚኒስትሪ ወጻኢ ጉዳያት ሶማሊያ፡ ኣብቲ ሎሚ ሰኑይ ብወገን ሰራዊት ኢትዮጵያ ተፈጺሙ ዝበሎ መጥቃዕቲ ቍጽሮም ዘይገለጾም ወታሃደራቱ ከም ዝሞቱን ዝቖሰሉን ገሊጹ።

ብዛዕባ’ዚ ዛጊት ካብ ወገን ኢትዮጵያ ዝተዋህበ ምላሽ የሎን። ድምጺ ኣመሪካ ነቲ ተፈጺሙ ዝተባህለ መጥቃዕቲ ብሳልሳይ ኣካል ከረጋግጾ ኣይከኣለን። ካብ ሰራዊት ኢትዮጵያ ግብረ-መልሲ ንምስማዕ ዝገበሮ ጻዕሪ ድማ ኣይቀንዐን።

ሶማሊያ ነቲ መጥቃዕቲ ንኣዋጅ ኣንካራ ዝጥሕስ’ዩ ትብል።

ኣብ መንጎ ሰራዊት ፈደራል መንግስቲ ሶማሊያን ምምሕዳር ጁባላንድን ግጭት ከም ዘሎ ይዝከር። ኣብቲ ዝካይደ ዘሎ ግጭት፡ ሰራዊት ኢትዮጵያ ምስ ሰራዊት ጁባላንድ ወጊኖም ኣብቲ ውግእ ከም ዝተሳተፉ መሰኻኽር ካብቲ ቦታ ይገልጹ። ነዚ’ውን ድምጺ ኣመሪካ ብሳልሳይ ኣካል ከረጋግጾ ኣይይከኣለን።