ክሲ ዝተመስረተሉ ፕረዚደንት ደቡብ ኮርያ ኣብ መርመራ ምትሕብባር ይኣቢ

ክሲ ምውራድ ስልጣን ዝተመስረተሉ ፕረዚደንት ደቡብ ኮርያ ዩን ሱክ ዪወል፡ ብዛዕባ`ቲ ዝኣወጆን ንሓጺር ግዜ ዝጸንሐን ወተሃደራዊ ምሕደራ፡ ንዝቐረበሉ ዘሎ ሕቶታት ምምላስ ይኣቢ ምህላዉ ኣሶሸይትድ ፕረስ ኣስፊሩ። ሕገ-መንግስታዊ ቤት ፍርዲ`ታ ሃገር፡ ነቲ ፕረሲደንት ንምውጋድ ወይ ንኽቕጽል ንምውሳን ሎሚ ሰኑይ ፈላማይ ኣኼብኡ ገይሩ ነይሩ።

ንፖሊስ፡ ጸረ-ብልሽውና ትካላት፡ ከምኡ`ውን ሚንስትሪ ምክልኻል ዝሓቖፈ መርማሪ ጉጅለ፡ ፕረዚደንት ዩን ኣብ ስልጣኑ ንምጽናሕ ናይ ሓይሊ ስልጣን ተጠቒሙ እንተኾይኑ ይምርምሩ ኣለዉ። እንተኾነ ኣባላት ቤት ጽሕፈት`ቲ ፕረሲደንት ሕቶታት ንምምላሽ ፍቓደኛታት ኣይኮኑን ይብሉ ኣለዉ እቶም መርመርቲ።

ዩን፡ ዝሓለፈ ቀዳም በቲ ብተቓወምቲ ዝዕብለል ፓርላማ ካብ ስልጣን ናይ ምውራድ ክሲ ዝተመስረተሉ ክኸውን ከሎ፡ ስልጣኑ`ውን ንኽጎድል ድሮ ተወሲንሉ`ሎ።

ኣማኢት ኣሸሓት ኣብዚ ቀረባ መዓልታት ናብ ጽርግያ ወጽዮም`ዮም -- እቲ ፕረሲደንት ካብ ስልጣን ክወርድ ንምጽዋዕ። ካብ ስልጣኑ እተወሪዱ፡ ኣብ ውሽጢ 60 መዓልታት ሃገራዊ ምርጫ ተኻይዱ ሓድሽ ፕረዚደንት ክምረጽ ሕጊ ደቡብ ኮርያ ይእዝዝ።