ዞባ ጎንደር -- 10 ሰባት ብሰንኪ ምህማም መሬት ሞይቶም

ኣብ ሰሜን ኢትዮጵያ፡ ክልል ኣምሓራ ዞባ ሰሜን ጎንደን ወረዳ ጠለምት ጣቢያ ኣብና ዝሓለፈ ዓርቢን ቀዳምን ብዝወቕዐ ከቢድ ዝናብ ዝተላዓል ምህማም መሬት ወሪዱ 10 ሰባት ከም ዝሞቱ ኣማሓዳሪ እቲ ዞባ ኣፍሊጦም።

ሓላፊ ቤት ፅሕፈት ምትሕብባር ምክልኻል ሓደጋን ውሕስነት ምግብን እቲ ዞባ ኣቶ ሰላም ይሁን ሙላት ካብ ሓደጋ ሞት ብተወሳኺ ልዕሊ ክልተ ሽሕ ሰባት ከም ዝተመዛበሉን ኣብ ልዕሊ እንስሳታት ዘቤትን ዘርእትን ጉድኣት ከም ዝወረደ ገሊፆም።

ኣማሓዳሪ ወረዳ ጠለምት ኣቶ ጋሻው እንግዳው ክሳብ ሕዚ ናይ ኣርባዕተ ሰባት ኣስክሬን ከም ዝተረኸበ ብምሕባር ናይ ሽዱሽተ ሰባት ሬሳ ንምርክባ ኣለሻ ከም ዝቕፀለ ተዛሪቦም።

ኣብ ኢትዮጵያ ብተኸታታሊ ክወርድ ዝፀንሐ ምህማም መሬት ክኸውን ከሎ ኣብ ወርሒ ሓምለ ኣብ ደቡብ ኢትዮጵያ ብዝወረደ ከቢድ ምንሽሕታት መሬት ን229 ሰባት ብምቕታል ንኣሽሓት ኣመዛቢሉ እዩ።

ሃገራዊ ኢንስቲትዩት ሜትሮሎጂ ኣብታ ሃገር ኣብ ዝቕፅሉ 10 ማዕልታት ልዕሊ ስሩዕ ዝኾነ ዝናብ ስለ ዝወቅዕ ኣብ ዝቕጽላ ክልተ ኣዋርሕ ከቢድ ክገብሮ እዩ ኢሉ ኣሎ ይብል።