ዞባ ኮንሶ -- ሓይልታት መንግስቲ ምስ ዕጡቓት ይዋጋኡ፡ 14 ሰባት ተቐቲሎም

ሰራዊት መንግስቲ ኢትዮጵያ፡ ነታ መንነቶም ብንጹር ዘይተፈልጡ ዕጡቓት፡ ንመዓልታት ተታሒዛ ዝቐነየት ከተማ ሰገን ደቡብ ኢትዮጵያ፡ መሊሶም ከምዝተቖጻጸሩ ሰበ-ስልጣን’ቲ ከባቢ ንቪኦኤ ገሊጾም።

እታ ኣብ ዞባ ኮንሶ ዘላ ከተማ፣ ንሓሙሽተ መዓልታት ኣብ ትሕቲ ቁጽጽር እቶም ዕጡቃት ከምዝቐነየት’ውን እቲ ዜና ይጠቅስ።

ኣማሓዳሪ’ቲ ወረዳ ኣቶ ኡርማሌ ኡጋንዴ ‘ኣባላት ጸረ ሰላምን ጽንፈኛን’ ዝበልዎም ዕጡቓት፡ ነታ ከተማ ኣብ ዝተቆጻጸርሉ እዋን፣ ንሸሞንተ ፖላዊስ ሓዊሱ፣ 14 ሰባት ብዘስቅቕ መገዲ ቀቲሎም’ዮም ይብሉ።

ብዘይካ’ዚ ንሆስፒታልን መንግስታዊ ትካላትን ኣባሪዖም ይብሉ እቶም ኣማሓዳሪ።