መቓዲሾ -- ኣልሸባብ 32 ቀቲሉ፡ 63 ኣቝሲሉ

ዓርቢ ምሸት ኣብ ሓደ ብዙሕ ህዝቢ ዝግልገለሉ መዘናግዒ ቦታ ናይ ገማግም ባሕሪ መቓዲሾ ጉጅለ ኣልሸባብ ብዝፈነዎ መጥቃዕቲ ብውሑዱ 32 ሰባት ሞይቶም፡ ተወሰኽቲ 63 ድማ ምቝሳሎም ወሃብ-ቃል ሓይሊ ፖሊስ ሶማል ገሊጹ።

ኣብ ማሕበራዊ መራኸቢታት ዝተዘርግሐ ምስልታት ከም ዘርእዮ፡ ነበርቲ ይዛናግዕሉ ኣብ ዝነበሩ እዋን’ዩ እቲ መጥቃዕቲ ሰዓት 10፡00 ምሸት ብኣቆጻጽራ መቓዲሾ ጀሚሩ። ብፍንጀራ ቦምባ ዝጀመረ መጥቃዕቲ፡ ድሕሪኡ ኣባላት ኣልሸባብ ነቶም ተመገብቲን ተገልግልቲን ብብረት እናተኰሱ ክሃድኑ ጀሚሮም።

ሰለስተ ካብቶም ስርሒት ዝፈጸሙ ኣባላት ኣልሸባብ ብሓልታት ፖሊስ ክቕተሉ እንከለዉ፡ ራብዓይ ድማ ባዕሉ ነብሱ ከም ዝፈንጀረ እቲ ጸብጻብ ይሕብር።

ኣብታ ሓያሎ በጻሕቲን ካብ ደገ ተመለስቲን ዘዘውትሩዋ ሆቴል ሊ፡ እቲ ጉጅለ ኣብ ዝሓለፈ ዓመታት ተደጋጋሚ መጥቃዕቲ ፈጺሙ ምህላዉ ጸብጻብ ሃሩን ማዕሩፍ ካብ ፈነወ ኣገልግሎት ቀርኒ ኣፍሪቃ ናይ ድምዲ ኣመሪካ የመልክት።