“ዝርርብ ታንዛንያ ብዘይ ፍረ ተበቲኑ” ኣምባ. ሬድዋን ሑሴን

ኣብ መንጎ ሰራዊት ናጽነት ኦሮሞን መንግስቲ ኢትዮጵያን ኣብ ታንዛኒያ ክቃናዕ ዝጸንሐ ካልኣይ ዙር ዘተ ሰላም ብዘይ ፍረ ምዝዛሙ ንመንግስቲ ኢትዮጵያ ወኪሉ ኣብኡ ክሳተፍ ዝጸንሐ ኣምባሳድር ሬድዋን ሑሴን ኣብ ማሕበራዊ ገጻት ኤክስ ጠቒሱ። ኣምባሳድር ሬድዋን ኣብ ዝለኣኾ መልእኽቲ፡ ትጽቢት እቲ ተዛታዪ ኣካል ካብ ክውንነት ወጻኢን ንምክዋኑ ዘይከኣልን ክብል ገሊጹዎ ኣሎ።

ሰራዊት ናጽነት ኦሮሞ ኣብ ዘውጽኦ ሓጺር መግለጺ’ውን ብወገኑ ንዘላቒ ሰላም ኵሉ ፈተነታት ከም ዝገበረ፡ "እንተዀነ መንግስቲ ኢትዮጵያ ዕላማኡ ንመራሕቲ እቲ ውድብ ንምርዓም ስለ ዝዀነ" ከቋርጹዎ ከም ዝተገደዱ ኣመልኪቱ ኣሎ። እቲ ዕጡቕ ጉጅለ ኣብ መግለጺኡ፡ እታ ሃገር ኣትያቶ ካብ ዝበሎ ቅልውላው ንምውጻእ ናጻ ትካል ክመርሕ ጸዊዑ።

ኣብ ቀጻሊ ዝርዝር ክህልወና’ዩ።