ኣብ ቡዳፐስት ሃንጋሪ ኣብ ዝካየድ ዘሎ ዓለማዊ ውድድር ኣትለቲክስ፡ ብቐዳም ኣብ ዝተኻየደ ፈላሚ ናይ 10-ሽሕ ሜትሮ ውድድር ጉያ እግሪ ደቀንስትዮ፡ ኢትዮጵያውያን ጎየይቲ ጉዳፍ ጸጋይ፡ ለተሰንበት ግደይን እጅገየሁ ታየን ካብ ቀዳማይ ክሳብ ሳልሳይ ንዘሎ ተርታ ተዓዊተናሉ።
ኣብቲ ኣጋጣሚ ዝተራእየ ፍሉይ ተርእዮ፡ ኣብ መንጎ ተዓዋቲት ጉዳፍ ጸጋይን ንሃገር ነዘርላንድስ ወኪላ እትቀዳደም፡ ኢትዮጵያ ዝመበቆላ ሲፋን ሓሰንን ዝተራእየ’ዩ ነይሩ። ክልተአን ሓያል ስፖርታዊ ህልኽ የእየሉ ኣብ ዝነበራ፡ ናብ ምዝዛም ዝኸደ መስመር፡ ሲፋን መሪሓ እኳ እንተ ነበረት ተዓንዊፋ ወዲቓቓ። ድሕሪ ቀዳማይ ጉጅለ ዝጸንሓ ለተሰንበት ግደይን እጅገየሁ ታየን ድማ ካልኣይን ሳልሳይን ስዒበን ዛዚመንኦ። ሲፋን ድሕሪ’ቲ ውድድር ኣብ ዝሃበቶ ጋዜጣዊ መግለጺ፡ “ኵሉ ግዜ ምዕዋት ጥራይ ዘይኰነስ ንውድቀት’ውን ከመይ ከም እትቕበሎ ዝመሃረሉ ኣጋጣሚ’ዩ። ቅድሚ ሕጂ ኣብ ኦሎምፒክስ ወርቂ መዳልያ ተዓዊተ’የ። ሕጂ ከኣ ካልእ ውድድራት’ውን ኣሎና። ኣቓልቦይ ድማ ናብኡ’ዩ፡” ኢላ።
ቅጥዒ