(ዋሽንግተን) ቅድሚ 78 ዓመታት ኣብ ሂሮሺማ ዝተፈጸመ ኣቶሚክ ቦምብ ንምዝካር ትማሊ ውሕድ ዝበሉ ጸረ- ኲናት ተሓለቕቲ ኣብ ታይምስ ስኩየር ኒው-ዮርክ ንናይ ተቓውሞ ሰልፊ ወጽዮም ኔሮም።
እቲ ዝኽሪ ቀዳማይ መጥቃዕቲ ኑክሌር ዓለምና ዝስማዕ ዘሎ፡ ሩስያ ኣብ ኲናት ዩክሬን ተኽእሎታት ምጥቃም ኑክሌር ክብ ኣብ ተብለሉ ዘላ እዋን`ዩ።
እቶም ሰልፊ ዝወጹ ተሓለቕቲ፡ ወተሃደራዊ ኪዳን ሰሜን ኣትላንቲክ (ኔቶ) ንዩክሬን ዝገብሮ ድጋፍ ደው ከብል`ዮም ዝጠልቡ ኔሮም።
ኣብ ነሓሰ 6ተ ኣብ ሂሮሽማ ዝወደቐ ቦምብ፡ ንእለቱ ኣሸሓት ሰባት ክሞቱ ከለዉ፡ ክሳብ መወዳእታ`ቲ ዓመት ድማ 140 ሺሕ ሰባት ሞይቶም።
ናጋሳኪ ድማ ድሕሪ ሳልስቲ ብ9ተ ነሓሰ 1945 ተደብዲባ፡ ድሕሪኡ ኣብ ነሓሰ 15፡ ጃፓን ስዕረታ ተቐቢላ- ምብቃዕ ካልኣይ ኲናት ዓለም ኮይኑ።
ቅጥዒ