ኣብ ሜክሲኮ ዘጋጠመ እሳተ ጎመራ ዝተፍኦ ሓሙክሽቲ ንከተማታት ይሽፍን ምህላው ተገሊጹ

ኣብ ሜክሲኮ ኣብ ከባቢ እሳተ ጎመራ ፓፒካትል ዝርከባ ከተማታት ካብቲ እሳተ ጎመራ ብዝተላዕለ ሓሞኹሽቲ ከም ዝተሸፈናን ንምርኣይ ክሳብ ዘጸገም ከምዝኾነን ተገሊጹ።

ኣብ ጥቓ እቲ እሳተ ጎመራ ትርከብ ከተማ ኣትሊስኮ ሓሞኹሽቲ ከም ግመ ከምዝሽፈና ተገሊጹ'ሎ።

እቲ ካብ ከተማ ሜክሲኮ ብሸነኽ ደቡባዊ ምብራቅ ኣስታት 70- ኪሎ ሜትር ርሒቑ ዝርከብ ጎቦታት ንልዕሊ ሰሙን እሳተ ጎመራ እንዳተፍኣን ጋዝን ሓሞኹሽትን ኣእማንን ይውንጭፍ ምህላዉ ተሓቢሩ'ሎ።

ኣብ ጥቕኡ ንዘሎ ኣብያተ ዕዮ ምምሕዳራትን ኣብያተ ትምህርትን ንጥፈታቶም ብዝምልከት መንግስቲ መጠንቀቕታ ዘወጽአ ክኸውን ከሎ ሚኒስትሪ ምክልኻል ኸኣ 650 ወታሃደራት ተዳልዮም ክጽንሑ ጌሩ'ሎ። መዕቆቢ'ዉን ተዳልዩ ከም ዘሎ ይግለጽ።