ከንቲባ ከተማ ነቀምቴ ምእሳሮም በዓልቲ ቤቶም ገሊጸን

ከንቲባ ነቀምቴ ኣቶ ቶሌራ ረጋሳ፡ ንልዕሊ ሓደ ሰሙን ተኣሲሮም ከምዘለው በዓልቲ ቤቶም ወ/ሮ እጅጋየሁ አምባራስ ንቪኦኤ ገሊጸን።

ጸጥታ ናይ’ታ ከተማ ከም ዘስገአን ብምጥቃን ምስ ደቀን ናብ ካልእ ከተማ ከምዝሃደማ ዝዛረባ ወ/ሮ እጅጋየሁ፡ ምእሳር በዓል ቤተን ካብ ኣዝማደን ከምዝሰምዓ ሓቢረን።

በዓል ቤተን፣ ኣባል ቤት ምኽሪ ኦሮምያ ከምዝኾኑ ዝዛረባ እተን ወ/ሮ፡ ስለምንታይ ከምዝተኣሰረ ኣይፈልጥን ምባለን ተፈሊጡ አሎ።

ንቪኦኤ ርእይቶ ዝሃበን መንነቱ ክዕቀበሉን ዝመረጸ ነባራይ ነቀምቴ፡ ብሰንኪ ቅንጸላ ሓላፊ ቤት ጽሕፈት ብልጽግና፣ ብርክት ዝበሉ ሰበ ስልጣንን ሰራሕተኛታት መንግስቲን ከም ዝተኣሰሩ ገሊጹ።