ጣሊባን ላዕለዋይ ትምህርቲ ንደቀንስትዮ ከልኪሉ

ሎሚ ረቡዕ ናብ ቀፅርታት ዩንቨርስታት ዝተመለሳ ደቂ ኣንስትዮ ተምሃሮ ዩኒቨርስቲ ኣፍጋኒስታን ሓይልታት ፀጥታ ጣሊባን ኣብ ልዕሊ ላዕለዋይ ትምህርቲ ሎም ለይቲ ዝተኣወጀ እገዳ ብምጥቃስ ንኸይኣትዋ ከልኪሎመን።

እስላማዊ ስርዓት ጣሊባን ትማሊ ሰሉስ ምሸት ኣብ መላእ እታ ሃገር ዝርከቡ መንግስታውን ናይ ውልቂን ዩኒቨርስታት ተወሳኺ መብርሂ ክሳብ ዝወሃብ ንደቂ ኣንስትዮ ተማሃሮ ዩኒቨርስቲ ዕጹው እዩ ኢሉዎ ኣሎ።

እዚ ኣብ ልዕሊ ደቂ ኣንስትዮ ተማሃሮ ዝተኣወጀ እገዳ ኣብ ልዕሊ ኣፍጋን ደቂ ኣንስትዮ ዝተፈፀመ መጥቃዕቲ ብዝብል ንኣፍጋናዊያንን ማሕበረሰብ ዓለምን ኣቖጢዑ ኣሎ። ኣመሪካ እውን ብቕፅበት ኮኒናቶ ኣላ።