ማስክ ምሕጽንታ ወሃብቲ ርእይቶ ኣየኽበረን

(ዋሺንግተን) ኢላን ማስክ መተካእታ ክሳብ ዝረክብ ሓላፊ ትዊተር ኮይኑ ከም ዝቕጽል ኣፍሊጡ። ማስክ ነዚ ዘፍልጥ ዘሎ ሚልዮናት ተጠቀምቲ ትዊተር ኣብ ዝሃብዎ ርእይቶ ካብ ሓላፍነት ትዊተር ከልግስ ድሕሪ ምሕታቶም`ዩ።

ቢልየነር ማስክ፡ ሽሕ`ኳ እቲ መእከቢ ርእይቶታት ባዕሉ ዝገበሮ እንተኾነ፡ ብውጽኢቱ ከም ዝምእዘዝ ኣፍሊጡ ኔሩ`ዩ። ወናኒ ኩባንያ ተስላ ዝዓይነተን ክቡራት መካይን ምዃኑ`ውን ዝፍለጥ ኢላን ማስክ፡ ንትዊተር`ውን ካብ ዝዕድጎ ንድሓር ብርክት ዝበሉ ፖሊሲታትን ለውጥታትን እንተገበረ`ኳ- ናብ ህዝቢ ዕላዊ ምስ ኮኑ ምስሓቡን ምስራዙን ድማ ሕቶታት ኣስዒብሉ`ዩ።

ንሱ ኣብ ትዊተር ዝያዳ ትኹረት ብምግባሩ ገለ ኣውፈርቲ ተስላ`ውን ክግለሉ ተራእዮም`ዮም። ንኩባንያ `ስፐይስ ኤክስ` ሮኬት ጠፈር`ውን ዝውንን ማስክ፡ ንትዊተር ዘመሓድር ሰብ ብዙሕ ስቓይ ክጻወር ዝኽእል ክኸውን ኣለዎ ብምባል ንትዊተር ምምሕዳር ቀሊል ከም ዘይኮነ ክገልጽ ጸኒሑ`ሎ።