ቀዳማይ ሚኒስተር ኣውስትራሊያ ነበር ሓሙሽተ ሚኒስትሪታት የካይድ ምንባሩ ተሓቢሩ

(ዋሺንግተን) ቀዳማይ ሚንስተር ኣውስትራሊያ ነበር ስካት ሞሪሶን፡ ብምስጢር፡ ሓሙሽተ ሚኒስትሪታት እታ ሃገር የካይድ ምንባሩ ብፈጻሚ ቤት ፍርዲ እታ ሃገር ዝወጸ ጸብጻብ ኣመልኪቱ። እቲ ቤት ፍርዲ ነቲ ተግባር እቲ ቀዳማይ ሚኒስተር ነበር “እምነት ዘጕድል” ክብል ገሊጹዎ።

ቀዳማይ ሚኒስተር ነበር ሞሪሶን ብምስጢር ንሚኒስትሪታት ክፍሊ ገንዘብ (ትረጀሪ)፡ ውሽጢ ሃገር፡ ጥዕናን ፋይናንስን’ዩ ባዕሉ ንኸመሓድረን ሽመት ንነብሱ ሂቡ።

ቀዳማይ ሚኒስተር ነበር ነቲ ዘጋጠመ ዘይንቡር ተግባር ለበዳ ኮቪድ ንምግታእ ኢሉ ዝገበሮ ምዃኑ ሓቢሩ። እቲ ቤት ፍርዲ ግን ምኽንያታዊ ኰይኑ ኣይረኸቦን።

ቀዳማይ ሚኒስተር ኣንቶኒ ኣልባነዝ ነቲ ብቕድሚኡ ዝነበረ በዓል-ስልጣን ዘጋጠመ ስሕተት “መስደመም” ክብል ገሊጹዎ ኣሎ። ወሲኹ ድማ እቶም ኣብቲ ጉዳይ ተሓባበርቲ ዝነበሩ ሰበ-ስልጣን መንግስቲ ብተግባራቶም ከም ዘጕሃዩዎ ሓቢሩ።